शान्ति जनकल्याण सहकारीमा लाखौं अनियमितता

इटहरी/सुनसरी जिल्लामै गतसाल सम्म पनि उत्कृष्ट सहकारीको नाम स्थापित गर्न सफल भएको हाँसपोसा–२ तरहरामा रहेको एक सहकारी अहिले सेयरसदस्यहरुको घेराबन्दीमा परेको छ ।

तरहराको शान्ति जनकल्याण सहकारी सस्थाद्वारा शनिबार आयोजना गरिएको संस्थाको १४ औ साधारणसभा तथा अधिवेशनमा मरेका ब्याक्तिले संस्थाको ९३ लाख रुपैयाँ अनियमितता गरेको प्रतिबेदन सार्वजनिक भएपछि शेयरसदस्यहरुले साधारणसभा सकिए पश्चात भएको अधिवेशनमा समेत रोक लगाएका थिए ।

संस्थाका तत्कालिन ब्यवस्थापक भुपाल कार्कीको गत वर्षको फागुन १९ गते मृत्यु भएपश्चात बसेको शनिबारको साधारणसभामा सञ्चालक समितिका अध्यक्ष टिकादत्त बनले ९३ लाख रुपैयाँ सस्थामा अनियमितता भएको कुरा सार्बजानिक गरेपछि सेयरसदस्यहरुले त्यसको कडा प्रतिवाद गरेका थिए । कार्कीको मृत्यु हुनु भन्दा १ महिना अघि माघमा भएको सस्थाको १३ औ साधारणसभामा कुनै प्रकारको अनियमितताको बारेमा सार्बजानिक नगरी गुपचुप राखिनु र अहिले ब्यावस्थापक कार्कीको मृत्यूपश्चात अनियमितताको रहस्यद्घाटनले पनि सेयरसदस्यहरु माझ शङका उत्पन्न भएको हो ।

२०५२ सालमा स्थापित सो सहकारी सस्थाको सञ्चालक समितिमा रहेका केही पदाधिकारीहरुले छानबिन समितिले निकालेको बेरुजु ९३ लाख रकम मृत्यु भएका तत्कालीन ब्यवस्थापक कार्कीले नै अनियमितता गरेको दाबि गरेपछि सेयरसदस्यहरुले साधारणसभामा रकम हिनामिनाका बारेमा प्रतिबाद गरेका थिए । ब्यवस्थापक एक्लैैले सबै रकम अनियमितता नगरी सञ्चालक समितिकै केहि पदाधिकारीहरको मिलेमतोमा

जनकल्याण ........

अनियमिताता भएको साधारणसभामा बोल्ने सोही सहकारीका केहि ब्यक्तिहरुले साधारणसभामै चर्काचर्की गरेर दन्किएको आगोमा घिउ थपेका थिए ।

संस्थाकै प्रमुख सल्लाहकार टिकाप्रसाद ओझाले साधारणसभामा बोल्ने क्रममा नै ‘धान खाने मुसो चोट पाउने भ्यागुतो’ भन्दै घुमाउरो पारमा अनियमितता भएको स्वीकार गरेपछि शेयरसदस्यहरु भmन आक्रामक रुपमा प्रस्तुत भएका थिए ।

कार्कीको मृत्यू पश्चात उनले सो रकम अनियमितता गरेको भन्ने शनिबार सम्पन्न संस्थाको १४ औ साधारणसभामा अध्यक्ष टिका दत्त बनले प्रस्तुत गरकोे प्रतिबेदन मार्फत सार्बजानिक गरिएपछि शनिबार साझनै अधिबेशन स्थगित गरेर ५ सदस्यीय छानबिन समिति गठन गरिएको छ ।

अम्बर बहादुर बस्नेतको संयोजकत्वमा गठित समितिमा इटहरी २ शान्तिनगरका गणेश केसी , इटहरीकै शैलेश बिष्ट , हा“सपोसा–२ का सुर्य दाहाल र तरहराकै केशब दाहाल रहेको सो सहकारी रहेका छन ।

उनले शनिबार साझ अबेर सम्म चलेको सो साधारणसभाले बस्नेतको कमिटिलाइ अधिकार सम्पन्न मानेर सो कमिटिले १ महिना भित्रमा प्रतिबेदन सार्बजानिक गरेपछि मात्र चुनाब हुने बताए ।